Manie
Terwyl almal asem opgehou het om te hoor wat van John Hume se Platinumrenosterprojek gaan word, het Manie gewonder wat van die res van Suid-Afrika gaan word met die regering wat klou aan mag, terwyl alles om ons ten gronde gaan.
Hume besit omtrent 2 000 witrenosters wat hy op sy wildsplaas naby Klerksdorp in Noordwes teen groot koste teen stropers beskerm en daagliks voer. Hoewel die regering ander syfers voorhou, meen kenners Hume het omtrent soveel renosters as wat daar in die Krugerwildtuin oor is.