Rosyntjieboerdery
Hoë insetkoste en boerderyrisiko’s kan enige soort boerdery wurg in sy strewe om wins te maak. Daarom moet ’n boer voortdurend nuwe planne maak om vooruit te boer. ’n Boer maak immers ’n plan.
Rosyntjieboere langs die Oranjerivier wat die ideale droë klimaat vir songedroogde rosyne het, ontkom ook nie aan die aanslae nie, veral weens swaar reën wat hulle soms onkant betrap, ten spyte daarvan dat dié omgewing meer droë as baie nat tye ervaar.
Hul planne is ’n kombinasie van organiese rosyne, wat hulle 20-30% meer geld in die sak bring, en om die druiwetrosse aan die stokke te laat droog word.
Twee van die voorlopers met dié konsep in Suid-Afrika is die broers Johan en Francois Slabber wat saam in die Crescendo-trust by Grootdrink met rosyntjie- en wyndruiwe en lusern boer. Hul pa, Pieter, is in 1998 oorlede. Hul broer George het toe al saam met sy pa geboer, Johan het by ’n kunsmismaatskappy gewerk en Francois was ’n student aan die Universiteit Stellenbosch. Johan het toe uit sy werk bedank en Francois het sy studie laat vaar, en
