OP DIE rugbyveld daardie dag toe haar Springbokpa, James Small, ná sy skielike dood geëer is, was die 14-jarige Ruby die toonbeeld van stoïsisme. Die gesiggie was ernstig, gefokus om sterk te bly. Ter wille van haar halfboetie Caleb (toe 8 jaar oud) aan haar sy.
Die Bokke het teen Australië gespeel, en die twee kinders is op die veld genooi terwyl hulde gebring is aan hul pa – ’n lid van 1995 se Wêreldbekerwenspan en rugby se geliefde stoutseun. “Op en van die veld af was ek en my broer vir my pa sy grootste prestasie. Ek is seker as hy nog hier was, sou hy trots wees op ons, nog meer as toe hy die Wêreldbeker omhoog gehou het,”