EENS was hy ’n gesiene man in die Baai. Hy was ’n suksesvolle sakeman en die direkteur van ’n ingenieursfirma. Maar toe verdwyn sy vervreemde vrou – en hy word aangekla van haar moord.
Vandag staan Arnold Terblanche van Gqeberha in die beskuldigdebank, en die aanklagte teen hom is ysingwekkend.
Nou, in ’n eksklusiewe onderhoud vir die dokumentêre reeks Huisgenoot Ware Lewensdramas: Vlees en Bloed, praat die sakeman die eerste keer oor die skokkende bewerings teen hom.
“Halfnege op ’n Donderdagaand was daar ’n klop aan my deur, en hulle sê toe vir my ek word in hegtenis geneem vir die moord op Vicki,” vertel hy in die VIAdokkiereeks oor daardie dag in November 2021 toe hy betrek is by die wrede moord op sy vrou.
Byna ’n jaar en ’n half het sedert daardie oomblik verloop,