CHARLES was net nege jaar oud toe sy ma aangekondig het dat haar oudste seun prins van Wallis sou word.
“Ek is van voorneme om vandag my seun, Charles, die prins van Wallis te maak,” het koningin Elizabeth op 26 Julie 1958 aangekondig in ’n vooraf opgeneemde boodskap wat by die Ryk- en Statebondspele in Cardiff, Wallis, gespeel is.
“Wanneer hy volwasse is, sal ek hom by Caernarfon-kasteel aan julle voorstel.”
Die kasteel – waarvan die naam dikwels as Carnarvon-kasteel verengels word – is in Noordwes-Wallis en word wyd as een van die asemrowendste geboue van die Middeleeue beskou.
Maar dit sou nog 11 jaar duur voor Charles se inhuldigingseremonie by die kasteel sy titel amptelik sou vier – en sy ma se aankondiging het die onbeholpe jong skoolkind destyds laat ineenkrimp.
In sy boek The Queen sê die koninklike biograaf Matthew Dennison Haar Majes- teit het Charles nie vooraf ingelig dat sy die aankondiging sou doen nie en die prins het vernederd gevoel.
“Charles het dit uitgevind in die skoolhoof se studeerkamer by Cheam [sy laerskool] saam met ’n groep klasmaats terwyl
