VIR party is dit dalk net ’n doodgewone plastiekhouer met ’n deksel. Tog kan dit die vrede in die huis wreed versteur as jy vergeet om Ma se kosbare bakkie terug te bring waarin jy oorskietkos gepak het. Verloor ’n deksel, en jy word die leviete voorgelees!
Daar is iets aan Tupperware wat die tierwyfie na vore bring, selfs in die geduldigste ma’s.
En nou is daar nog meer rede om dié gesogte houers met die grootste ontsag te hanteer. Ná 77 jaar in die bedryf sukkel die bekende vervaardiger van kombuisware om kop bo water te