1 VATSO, JOU LUISLANG!
Toe ’n luislang haar worshondjie, Coco, beetkry, het Danielle de Kock nie gehuiwer om die reptiel aan die stert te gryp nie
Jy was so dapper, ek is trots op jou. Jy het jou eie lewe in gevaar gestel om jou klein hondjie te red. Min mense sou dit gewaag het, ek is seker daarvan. Danielle, jy is regtig ’n baie spesiale jong mens.
ALET
’n Luislang het my kat geëet toe ek in die laerskool was. En ek het dit gesien. Ek was nie so dapper soos jy nie, hoewel my kat toe reeds dood was. Al wat ons kon doen, was om verder na die proses van die natuur te kyk.
HANDRI
Jy is ’n ware diereliefhebber. Supertrots op jou! Baie ander mense sou dalk net staan en kyk het. My honde beteken ontsettend baie vir my, en ek hoop ek sal ook so dapper wees om my lewe te waag vir hulle.
ADELLE
’n Luislang het ook my kinders se babalabrador gevang.
