OP DIE verhoog het sy haar alles gegee ondanks die seer in haar hart oor die een mens wat nie in die gehoor was nie.
Haar onlangse debuut in die internasionale musiekspel Calling Us Home was ’n droom wat waar geword het vir Devonecia Swartz (25). Dit was ’n oomblik wat sy bitter graag wou deel met haar ousus Esperanzia, wat haar geleer het om te sing en musiek te lees.
Maar Esperanzia is in 2016 dood, vertel die sangeres en aktrise wat in Arendsvlei te sien is.
“Sy was 30 toe sy oorlede is. So jonk. In daardie jaar het ek geleer van verlies en wat dit is om alles te voel.”
Die musiekspel deur die bekroonde Amerikaanse vervaardiger Peter Flynn was in Februarie op
