JIP, dis toe al die tyd waar: Geld kan nie liefde koop nie. Kyk nou maar na Rupert Murdoch.
Hy het berge vol geld in die bank, ’n mediaryk wat oor die aardbol strek, ses kinders en 13 kleinkinders. En tog kom hy een ding kort – blywende liefde. Elke huwelik en romanse van Rupert het oor die jare op die rotse beland – soms ná smerige aantygings oor ontrouheid.
Jy word egter nie een van die magtigste mense op aarde as jy nie kan vasbyt nie. En daarom het dié 92-jarige besluit hy gaan weer probeer.