KYK WIE’S VERLIEF

DAAR is niks soos die liefde nie. Al steier die wêreld onder die skokke van ’n pandemie, aardverhitting en oproer, bly die liefde blom en laat dit verliefdes dikwels van alles – behalwe mekaar – vergeet.

In Hollywood het nuwe liefde die afgelope tyd behoorlik vlam gevat. Om jou van die wêreld se sorge te laat vergeet, is hier ’n paar van dié romanses wat mense deesdae aan die gons het – party is nog liggies aan die prut, terwyl ander die kwik die hoogte in laat skiet.

Want waar liefde is, is daar lig in die donker, of hoe?

WARM NUWE ROMANSE

VLAMFAKTOR

7/10

Tom is dalk ’n omstrede karakter, maar hy’s steeds een van Hollywood se grootste sterre, en Hayley is ’n vars, nuwe gesig.

Hayley Atwell (39) en Tom Cruise (59)

Dié twee het die tonge behoorlik laat klap. Tom was ’n enkelloper sedert sy en Katie Holmes se opspraakwekkende egskeiding in 2012. Die monde het dus oopgehang toe hy en Hayley onlangs