JY MOES teen dié tyd lank al soos ’n Instagram-model gelyk het.
Elke oggend wanneer die haan kraai, is jy by die gimnasium of die boot camp-groepie in die park. Jy vas elke dag ’n klomp ure en tel versigtig hoeveel lepels olie daar in jou slaaisous is.
Jy doen alles reg. En tog… Die rolletjies hang so ’n bietjie bo-oor jou broek en jou boude wil maar net nie ferm raak nie.
Hoe dan so? Moet jy daarmee vrede maak dat jy nooit ’n gebeitelde lyf gaan hê nie? Is jou boep en jou plomp boude iets wat nou maar net eenmaal nooit gaan wyk nie?