Die covid-19-slagveld lê wyd besaai, maar ’n boetiekmelkery se besluit om ’n 180°-ommeswaai te maak, het vrugte afgewerp. ’n Kleiner kudde is in Dalewood se geval lonend ingespan, insetkoste is verminder, en met ’n groter produkreeks kon hy sy voetspoor vergroot.
Onder die bekende vaandel van Dalewood Fromage maak mnr. Rob Visser, ’n tweedegenerasieboer op die plaas tussen Franschhoek en Stellenbosch, al vir 21 jaar kaas, terwyl sy vrou, Petrina, die sakegedeelte van die plaas en onderneming bestuur.
Hoewel die plaas aanvanklik net kaas gemaak het, het covid-19 hulle gedwing om hul produkreeks uit te brei, onder meer om melk te verwerk in ander produkte.
Dié familie-onderneming produseer en verkoop deesdae buiten spesialis-kase waarvoor Dalewood reeds bekend is, onder meer ook vars plaasmelk, volroomjogurt, room, smere en
