VERKOUE
Verkoue word veroorsaak deur ’n virus en gaan gewoonlik met ’n genies, loopneus, hoofpyn en soms ’n lae koors of seer keel gepaard. Dit klaar gewoonlik binne ’n paar dae spontaan op sonder komplikasies, maar inaseming van stoom, parasetamol en ontstuwende of laedosis-kortisoon-neussproeie kan simptome help verlig en die verkoue vroeër kortknip. Vra jou dokter egter watter neussproei vir swanger vroue veilig is.
Blaas ook gereeld jou neus eerder as om die slym terug te snuif of in te sluk.
Jy kan ook jou neus met louwarm soutwater uitspoel: Maak jou eie spoelmiddel met min moeite deur ’n kwart teelepel sout, ’n kwart teelepel koeksoda en 250 ml louwarm water te meng.
Stoom jou lugweg gereeld oop deur water