Raar maar waar
Ek deel graag hierdie spesiale oomblik met julle: Ek het in Oktober 2022 dié Madagaskarkoekoek in Kranspoort, ’n vakansiedorp in Mpumalanga, afgeneem. Hierdie spesie word selde in Suid-Afrika gesien en die opsigter van die dorp het mense toegelaat om te kom kyk.
Ek móés net die geleentheid aangryp toe ek daarvan hoor.
Daar was bespiegelinge onder voëlkykers dat dit dalk ’n jong Piet-my-vrou is, maar kenners het na ’n video van die voël gekyk en kon sy roep uitken as dié van ’n Madagaskarkoekoek.
RIAN BOSHOFF, Middelburg
SKRYF AAN ONS EN WEN!
Rian wen ’n stel Zartek ZA-723-tweerigtingradio’s ter waarde van R1 760. Hierdie jongste model maak kommunikasie maklik – dit het helder, duidelike klank met ’n reikwydte van tot 6 km buite afhangend van die terrein. Dis reeds geprogrammeer met 16 kanale waarvoor jy nie ’n lisensie nodig het nie. Die harde huls is kompak en stewig en die radio’s het ’n USB- en ’n muurlaaier. zartek.co.za
GESELS MET ONS
Skryf aan . Jy ken die storie... verkieslik minder as 300 woorde, en gee asseblief jou voornaam, van én tuisdorp. As jy ’n foto aanheg, maak asseblief seker dis groter as 2 MB. behou hom die reg voor om briewe te redigeer
