ELMA POSTMA (seisoene 1, 2, 3) 2008-2010
Wanneer sy terugdink aan daardie eerste seisoen, onthou sy hoe senuagtig sy was, vertel Elma. “Nie ek of die vervaardigers het heeltemal geweet wat om te verwag nie. Hoe gaan die deelnemers wees en hoe gaan hulle reageer? Is ek werklik opgewasse om die reeks aan te bied? Dit is die dinge wat toe deur ’n mens se kop gegaan het.”
Maar die boere en die vroue hét ingeskryf, ook sonder dat hulle geweet het wat om te verwag. So is die grondslag gelê vir een van Afrikaanse TV se suksesvolste maatsoekreekse ooit.
Elma sê die enigste voorbereiding wat sy kon doen, was om na ’n paar episodes van die Nederlandse reeks te