Sy is klein en fyn, met 'n groot gees wat in vandag se wêreld netin haarguns kan tel. Daai mondjie klap te lekker wanneer Kehara Kariem (13) gesels – maar respekvol en sonder houding, met 'n volwassenheid ver bo dié graad 7-leerder se jare hier op aarde.
Toe sy in graad 4 geboelie is vanweë 'n seldsame oogtoestand, het dit wel haar prestasie beïnvloed, maar nou, selfs al was daar later weer 'n geterg oor 'n sekere'ronder” deel van haar lyf, trek Kehara net skouers op. So what? Want, geen boelie sal haar ooit weer van stryk bring nie.
Dié top-presteerder en voormaiige hoofmeisie van Victoria Park Primêre skool op Worcesterin die Boland het einde veriede jaar skoonskip gemaak by haar skool se prysuitdelingsaand.
