Anders as met vullers, sien jy eers die verskil een tot drie maande later. Maar dit hou ook baie lank – tot twee jaar
dr. Maureen Allem
Jennifer Aniston drink dit al jare lank soggens in haar koffie, Kate Hudson meng dit by haar smoothies, en Khloé Kardashian verkoop dit onder die handelsnaam Dose & Co. As jou lagplooitjies dreig om dongas te word, het jy sekerlik al daarvan gehoor. Dalk selfs oorweeg om dit te gebruik.
Kollageen is ’n jellieagtige proteïen wat in jou bene, spiere en senings voorkom, en dis deel van die vel se bindweefsel wat dit ferm en jeugdig laat lyk. Dis noodsaaklik vir vel-elastisiteit en dryf ook die vernuwing van velselle.
Tot 70% van jou vel bestaan uit kollageen. Dis verantwoordelik vir die struktuur en integriteit van die velweefsel, stigter en mediese direkteur van die skoonheidsgroep Skin Renewal. “Baie mense dink dit het met volume te doen, maar dis nie waar nie – vetweefsel onder die vel laat jou vel plomp en jou gesig voller lyk. Kollageen hou weer die velweefsel ferm en sterk. Gesonde vetweefsel en kollageen verminder albei soos ons ouer word.”