KORTOM
■ Hoewel die droogte by Britstown, Van Wyksvlei, Pofadder en Drie Susters verby is, is boere besig om hul kuddes op te bou.
■ Kontantreserwes, likiede bates, soos beeste en hamels, wat maklik en teen goeie pryse verkoop kan word, voerbanke, seleksie vir jonger en produktiewer diere en skuldvermyding is van hul planne om vir die volgende droogte voor te berei.
■ Sommige boere neem waar dat seisoene en die reën ’n maand aanskuif sedert die vorige geslag.
LIGGING
1. Van Wyksvlei
2. Pofadder
3. Drie Susters, Noord-Kaap
Dit was nie net die lang tyd wat die droogte aangehou het, wat boere soos mnr. Kosie Hanekom laat skrik het nie.
Dit was ook die “absolute niks wat later in die veld was” en die hoeveelheid diere wat verlede winter vanweë blootstelling dood is, sê die boer van Shaw se Vlei by Pofadder in die Noord-Kaap.
Hy het maar ’n derde van sy kudde oor. Omdat hy reeds min diere gehad het, het hy nie vee verminder in die droogte nie, maar hy moes ’n hamermeul en menger koop om
