KORTOM
■ Al was daar verlede somer soveel berigte oor reën wat uitkoms gebring het, was dit dikwels net ’n tydelike verligting. Groot dele van die ekstensiewe weistreke is nog baie droog.
■ Boere daar probeer om hul uitgedunde kuddes te vergroot, maar dit gaan stadig, en om vee in te koop, is kwalik ’n opsie.
LIGGING INLIGTING
1. Beaufort-Wes, Wes-Kaap
2. Merweville, Wes-Kaap
3. Steytlerville, Oos-Kaap
Dit is moeilik om hierdie droogte aan buitestanders te verduidelik. Dit is nie dat dit nié reën nie, inteendeel, dit het van verlede Oktober af redelik goed gereën, maar in groot dele van die Wes- en Oos-Kaap het die reën in die warmste tyd van die somer opgehou.
Toe plase by Merweville van Oktober tot Januarie goeie reën kry, het hulle gedink die droogte is verby, sê MNR. LUKAS BOTES.
“Die gras het besonder goed gegroei, maar nie die bossieveld nie. Die bossies moet in Maart en April, wanneer dit koeler is, reën kry. Van Januarie af het ons nog nie weer noemenswaardige reën gekry nie. Al is daar ruvoer op die veld, is die voedingswaarde nie
