INLIGTING
Ligging: 1. Pretoria, Gauteng
2. Arusha, Tanzanië
Vertakkings: Saailingkwekery, kannabis, koffie, bone en sprietuie
KORTOM
■ Gauteng se Jongboer van die Jaar staan aan die stuur van ’n onderneming op ’n kleinhoewe buite Pretoria wat 250 miljoen saailinge per jaar kweek.
■ Nog uitvoergewasse is eetbare blomme, koffie, bone en sprietuie na Brittanje.
■ Probleme met kragvoorsiening gaan deur ’n sonkragaanleg, wat binnekort voltooi word, uitgeskakel word.
Noem enige kommersiële groentegewas, en die kans is goed dat mnr. Davydd Jenkins se onderneming, Plantform, dié gewas se saailinge kweek. Nagenoeg 250 miljoen saailinge van uiteenlopende gewasse word jaarliks hier geproduseer.
Dit het begin met ’n idee van sy ma, Carla, om aarbeie te verbou. Net meer as ’n dekade later voltooi mikrogroente en eetbare blomme, ’n kannabisboerdery in vennootskap met ’n plaaslike farmaseutiese maatskappy en ’n plaas in Tanzanië waarvandaan koffie, bone en sprietuie na Brittanje uitgevoer word, die volle onderneming.
“Die boerdery het eintlik begin toe my ma besluit het om op