Jong boere 3
Van sy ma se plan dat Kleinjan Teubes ’n loopbaan buite die landbou volg, het niks gekom nie. Hy en sy broer, JA, boer die afgelope tien jaar op die familieplaas Idma by Vredendal en brei eenstryk deur uit.
Tog het dit die 34-jarige boer gepla toe hy in 2020 met ’n kode 14-rybewys as sy hoogste kwalifikasie by die Syngentaleierskapakademie opdaag. Die program is daarop gemik om leierskap by jong boere te ontwikkel. Sy deelname daaraan het sy wêreld vergroot en sy visie verbreed.
“Wat húlle my gebied het, sal my my lewe lank bybly. Die netwerk van vriende wat ek daar gebou het, is die belangrikste van alles.”
Kleinjan hoop die program kan die begin wees van jong mense in die landbou wat vernuwend dink en meer prominent na vore kom. “Die wêreld verander aanmekaar en ons moet daarby aanpas.”
‘Skuldfiks’ en lesse geleer
Sy eerste paar jaar in die familieboerdery was baie moeilik. Dit het nie goed gegaan met die boerdery nie, en sy ma, Marinda, se restaurant en konferensievenue, IDMA@ Kapel, het ’n groot bydrae gelewer om