DIS ’n windstil Woensdag in die Kuleni-wildpark in die Hluhluwe-gebied, KwaZulu-Natal. Nie ’n snikhete dag nie en nie te koud nie; welkome weer. Allermins die soort dag dat jy verwag ’n verbysterende voorval gaan afspeel.
Dylan Panos maak reg vir sy dag– sy familie bestuur Bhejane Nature Training waar aspirantveldgidse opgelei word. Dan hoor hy ’n kinderstem by die deur.
“Kudu!” roep die driejarige Kayden sy oupa. Kayden kan nog nie die “l” in “khu- lu” (die Zoeloewoord vir “oupa”) sê nie.
Dylan se dogter Nicole (25), Kayden se ma, kom ingestap met haar tweede kind, Kaia (16 maande), in haar arms. Dis vir oupa Dylan en ouma Christa (“Taita” vir die kinders) ’n hoogtepunt, hierdie vinnige inloer soggens.
As hulle maar net geweet het dit is die laaste keer dat hulle so met albei kleinkinders saam gaan kuier.
Want binne die volgende ure het Kaia die slagoffer geword van ’n wilde dier – die laaste dier wat ’n mens sou raai ’n kind kan bedreig – en die Panos-familie se lewe het soos handomkeer verander.
DIE dag gaan sy gang. Nicole stap saam met die kinders