KORTOM
■ Veeboere moet ’n kopskuif doen oor die rol van veeartse in hul kuddebestuur.
■ ’n Inentingsprogram lê die grondslag van beplande kuddegesondheid.
■ Veeartse weet watter siektes in die omgewing voorkom, en kan die boer geld bespaar deur goeie siektebestuur.
Jou veearts is nie ’n noodwiel wat net uitgehaal word as daar ’n krisis is nie. Veeartse lewer ’n onontbeerlike diens in ’n tyd waar veeboere se oorlewing bepaal kan word deur biosekerheid op die plaas en die siektevrye status van die dier.
Dit gaan egter eers ’n kopskuif van boere verg, sê dr. Danie Odendaal, konsulterende
