as jy afkyk in daardie twee hande sal jy sien hoe stil my hart daarin lê
Uit die gedig “Refleksie” in Celesté Fritze se bundel Verdeelde Stand/Divided Stance (Hemel & See Boeke, R180)
Frida: Style Icon
Charlie Collins (Hardie Grant Books, R270)
Frida Kahlo is een van daardie charismatiese vroue wat selfs dekades ná haar dood steeds die verbeelding aangryp. Dié boek fokus op haar klerestyl, maar gee ook ’n oorsig van haar lewe. Alles was nie maanskyn en rose nie. Polio as kind en ’n ernstige busongeluk op 18 het Frida se lewe in pyn gedompel. Tog het sy haar lyding getransformeer tot skoonheid op haar skilderdoeke, dikwels selfportrette in haar verbeeldingryke uitrustings.
Verstommend inspireer sy steeds hele modereekse deur ontwerpers soos Jean Paul Gaultier en Christian Lacroix, en selfs ’n beweging, Fridamania, wat) soos ’n veldbrand deur die wêreld laat versprei het. Frida het gesorg dat sy en Diego Rivera, haar kunstenaarman, ’n in post-revolusionêre Mexiko geword het. Hul kuns, eksentrieke styl en boheemse leefwyse het almal rondom hulle in vervoering gehad.
