Van 'n viervertrekhuis op die Kaapse Vlakte tot in die modereus Hugo Boss se raadsale en 'n lewe in Switserland. Dít is die verhaal van Bonita Meyer (48), ’n boorling van Bishop Lavis op die Kaapse Vlakte. Bonita, wat klere-ontwerp aan die destydse Pentech se Bellville-kampus studeer het, sê vir Kuier haar liefde vir ontwerp en tekstiele het in haar ouerhuis ontstaan. Daar het sy gesien hoe haar ma, Johanna Julius, nie net vir haar en haar twee susters, die mooiste klere maak nie, maar ook vir honderde matriekmeisies en voornemende bruide en hul gevolge se uitrustings gesorg het.
Maar vir Bonita, 'n spanleier by Hugo Boss, is dit veral haar nederige grootwordjare wat haar sterk en staande hou. Bonita woon nou al vir langer as 20 jaar in Switserland