HAAR lys terugslae is omtrent net so lank soos haar lys treffers. Maar elke keer het sy dit in ’n groeigeleentheid omskep.
Toe sy sowat twee jaar gelede covid en longontsteking kry en by die dood omdraai het, het sy ’n liedjie daaroor geskryf.
Toe sy weens ’n bosluisbyt ’n siekte ontwikkel het wat haar van haar stem beroof het, het sy ’n gevaarlike operasie ondergaan om dit te laat herstel.
En toe haar man haar met haar beste vriendin verkul het, het Shania dit nie net verwerk nie; sy het sommer ook met dié vriendin se man afgehaak en dolgelukkig met haar lewe aangegaan.
Die lewe is vir leef, glo die 57-jarige sangeres van treffers soos “That Don’t Impress Me Much”.
En Shania is steeds die ene op-timisme.