’NMENS sou dalk dink kampvegters vir vroueregte en linkse politici sou juig om te hoor Italië het pas vir die eerste keer ’n vrou tot premier verkies.
Europa en die Verenigde Koninkryk het tans ’n stewige klompie sterk vroue aan die stuur, soos Liz Truss in Brittanje, Mette Frederiksen in Denemarke en Sanna Marin in Finland.
’n Mens hoef nie noodwendig met hul politiek saam te stem om te erken hulle kan help om die glasplafon vir vroue af te breek nie.
Maar toe ’n meerderheid Italianers on langs in die land se verkiesing hul kruisies agter die naam van die 45-jarige Giorgia Meloni getrek het, was daar feitlik geen lofliedere uit linkse geledere nie.
Inteendeel, onder omtrent alle politieke