OM TE BLY OF NIE…
Sê my net as jy nie meer saam met my wil wees nie. Moet my net nie vir twee weke vermy nie, maal die woorde vir die soveelste keer deur Nicola se gedagtes. Dis wat sy vir James, haar kerel van twee jaar, gaan se wanneer sy horn weer sien. Hy moet weet hoe sy voel. As ’n power move en om genoeg moed op te bou, sit sy al twee uur voor die tyd by die restaurant waar hulle afgespreek het.
Sy het hom gevra om haar te ontmoet by die restaurant waar hul eerste date was. Dis hul gunsteling. ’n Publieke plek is die beste plek, het sy gedink, sodat hulle albei hul pose kan hou al sê wie wat. Hopelik.
Hy was baie gewillig, dalk het hy iets op die hart, veral omdat hy haar reeds vermy het. Die restaurant is naby die motorhandelaar waar hy werk
