OP HUL REIS HET HULLE WERK GESKEP VIR PLAASLIKE VROUE – EN DANKSY HUL AANLYN VERKOPE ROEM ANDERKANT DIE OSEAAN VERWERF
DAAR is ’n haas ondenkbare kloof tussen die glanswêreld van die Amerikaanse popster Beyoncé en die Kaapse gemeenskap van Khayelitsha met sy sinkhuisies, swaarkry en vele maatskaplike uitdagings.
Tog het ’n handjievol vroue van Khayelitsha en omstreke dié kloof oorbrug – met unieke kralekuns ontleen aan hul kultuur.
Makatiso (76) en Mathapelo (47) Ngaka, ’n ma-en-dogterspan van Khayelitsha, het hul onderneming, Monkeybiz, twee dekades gelede uit niks uit begin bou. Op hul ondernemingsreis het hulle werk geskep vir plaaslike vroue – en danksy hul aanlyn verkope roem