Fabelagtige kuns

Halsoorkop verlief op die kuns van fyngebak

Nokx Majozi van The Pie Room by die Holborn Dining Room, Londen

In die elegante vyfsterhotel Rosewood London in die hartjie van die Britse hoofstad is ’n Victoriaanse kombuis met ’n groot marmerblad, outentieke pasteigewiggies, ’n muur vol brons- en koper-kombuistoerusting en een koningin: Suid-Afrikaner Nokx Majozi.

The Pie Room (soos dié vertrek genoem word) vóél soos haar paleis, skerts Nokx. “Wanneer ek hier instap, is dit asof iemand my met feetjiestof bestrooi. Om in so ’n atmosfeer driehonderd pasteie per dag te maak terwyl die sagte klanke van jazz en soul op die agtergrond speel, is

’n betowerende ervaring.”

Tydens die grendeltyd was Nokx steeds party dae aan die woel, maar daar was geen klante wat deur die glas kon kyk hoe sy en haar