Lekkerste kos met lugbraaier
TANDOORIPLATHOENDER
As jy iets anders wil probeer as jy volgende keer braai, kan jy die hoender oor die kole goudbruin braai nadat dit in die lugbraaier gerooster is.
■ 1 groot hoender, vars of ontdooi
■ 1 ui, grofgerasper
■ 2 knoffelhuisies, fyngekap
■ Sap en gerasperde skil van 2 suurlemoene
■ 60 ml tandoori-speserymengsel of 45 ml geroosterde masala
■ 500 g volroomjogurt
■ Sout en varsgemaalde swartpeper
Romerige kruiesous
■ 250 g aangesuurde room (crème fraîche)
■ 4 takkies pietersielie, baie fyn gekap
■ 2 takkies koljanderblare, baie fyn gekap
Plaas die hoender met die borskant na onder op ’n snyplank en verwyder die rugbeen deur dit weerskante met ’n kombuisskêr los te knip. Maak bekend. (Só word die hoender oraloor aan die tandoori-marinade blootgestel, en word dit ook gouer gaar.) Plaas die hoender met die velkant na bo in ’n vlak metaalbak. Meng die ui, knoffel, suurlemoensap en -skil, speserye en jogurt in ’n groot mengbak. Giet oor die hoender en marineer vir 2 uur in die yskas. Verhit die lugbraaier tot 180 °C op lugbraaifunksie. Haal die metaalbak uit die yskas en haal die hoender uit die marinade. Geur die hoender goed met sout en peper en plaas in die lugbraaiermandjie. Skep al die marinade oor die hoender. Lugbraai 30-40 minute of tot die hoender gaar en goudbruin is.
You’re reading a preview, subscribe to read more.
Start your free 30 days