DIT was 13 minute voor agt.
Hy kan nie net die datum onthou waarop sy voete onder hom uitgeslaan is nie – dit was 17 Januarie 2019 – maar ook die presiese tydstip, sê die akteur Dean Smith.
“Is jy ernstig?” vra sy meisie, Bianca Steyn, nou.
“Ja!” antwoord hy dadelik.
Toe het hy al ’n paar keer vir haar boodskappe op Instagram gestuur – boodskappe waarop die mooi donkerkop nie gereageer het nie.
“Ek het vir ’n tydjie met myself gepraat. Sy het nie gereageer nie en wou niks met my te doen gehad het nie,” onthou Dean (28) met ’n laggie.
Maar toe hulle mekaar eindelik daardie aand skuins voor agtuur by vriende se huis ontmoet, wou die gesels net nie opdroog nie – en het
