’n Lewe vol REISE
IN HAAR grootwordjare het die koningin nie juis veel gereis nie. Sy was al amper 21 jaar oud voor sy haar voet op enige plek verder uit Brittanje as die eiland Wight aan diesuidkus van Engeland gesit het.
Toe breek 1947 aan en kom sy Suid-Afrika toe! Sy en Margaret het hul ouers vergesel op hul eerste koninklike toer en eerste oorsese reis na Suider-Afrika.
Dit was die begin van ’n vol en dikwels uitputtende reisprogram. Die koningin sou die mees berese staatshoof ter wêreld word. Sy het altesaam 42 keer om die aardbol gereis en ’n geraamde 1,66 miljoen km afgelê met 261 amptelike besoeke aan 126 lande en grondgebiede. Party plekke het sy ’n paar keer besoek.
Die koninklike seiljag, die familie se amptelike seevaartuig, het meer as ’n miljoen seemyl in die loop van meer as vier dekades afgelê. Koninklike vlugte het nog groter afstande afgelê.
Anders as die meeste stralerjakkers het die koningin selde net vir die lekkerte oorsee gegaan, behalwe ’n paar keer wanneer dit met haar geliefde renperde verband gehou het.
As sy vakansie wou hou of net wou wegbreek, het sy gewoonlik na Balmoral in Skotland gegaan. Oorsese reisie was altyd ’n plig.
WELKOM IN KAAPSTAD
Die Moederstad se berugte suidooster het hom die dag tevore uitgewoed en die kwik het tot ’n snikhete 40 grade C gestyg op daardie Februarie-dag toe die koningsgesin – koning George, koningin Elizabeth en die prinsesse Elizabeth en Margaret – by ’n saluut van 21 skote aanland en 1 200 skoolkinders op Vlaeberg in rye gestaan het te spel.
You’re reading a preview, subscribe to read more.
Start your free 30 days