Tot koningin GEKROON
OP 2 JUNIE 1953 het Brittanje kort voor 11 vm. tot stilstand gekom. Familie, bure en vreemdelinge het in sitkamers, stadsale, kerkeenhospitalebymekaargekom; almal op soek na ’n sitplek in die voorste ry by die okkasie van die eeu.
Televisie het destyds nog nie lank bestaan nie, maar verkope het deur die dak geskiet in die aanloop tot die kroning van die jong koningin Elizabeth II.
Die uitsending van die geleentheid het egter vooraf ’n debat ontlok …
A nee a, het premier Winston Churchill geskok gesê. Dis vernederend vir ’n koninklike om sommerso in die huise van miljoene gewone mense te verskyn! Die koningin het egter nie saamgestem nie. Sy wou hê haar onderdane moes die geleentheid geniet.
En ’n koningin kry wat sy wil hê … Toestemming is enkele dae voor die seremonie verleen dat kameras die kroning kon vaslê.
’n Verstommende 27 miljoen mense in Brittanje het daardie dag ingeskakel – driekwart van die bevolking.
