GOUD VIR GERONAY
Wanneer jy na Geronay Michaela Whitebooi (26) kyk, is dit dalk moeilik om te glo sy is een van Suid-Afrika se voorste judo-vegters, maar moenie 'n fout maak nie, sy het onlangs die goue medalje vir Suid-Afrika in die 48 kg-afdeling vir vroue by die Statebondspele in Birmingham, Engeland, verower!
Sy het ook vir 'n hartroerende oomblik gesorg toe sy met haar goue medalje om die nek die Suid-Afrikaanse volkslied volle bors saamgesing het.
Gewoonlik weeg Geronay 50 kg, maar wanneer sy oefen en deelneem aan kompetisies sweet sy so baie dat sy genoeg verloor om by die vereiste 48 kilogram uit te kom om vir haar kategorie te kwalifiseer. In haar sokkies kom sy nie eens by 1,60 m uit nie en wanneer sy met haar sagte stem begin
