EIE HANDE MAAK LIGTE WERK
‘DIE ENIGSTE POSISIE WAARVOOR EK NOU DIE KAROO SAL VERLAAT, IS DIE HOOF VAN ESKOM’
VAN bankrower tot diamantmagnaat en nou die burgemeester wat in ’n blou oorpak werk – dít is die kleurryke karakter wie se regrukveldtog op ’n vervalle Karoodorp die land aan die gons het.
En vir die gemeenskap van Beaufort-Wes is hy ook ’n soort hedendaagse Messias.
In die voorportaal van die munisipale gebou en af in die straat staan die Karoomense geduldig tou. Vra jy hoekom, koor hulle: “Ons soek vir Gayton McKenzie!”
Want in hierdie era van vrot dienslewering, wanbesteding en korrupsie op plaaslike regeringsvlak word Gayton – ten spyte van sy omstrede verlede – as ’n vars bries
