WEG, DIE MA’S WAT MY GEVORM HET

HY KON hul teenwoordigheid daar saam met hom by die rugbyveld aanvoel terwyl die Bokke in die derde toets vir Wallis ore aangesit het. Want ma Setta Visagie (65) en haar suster Marie Galant (63) was altyd oral saam – tot in die dood toe ’n fratsgolf hulle op ’n sonnige Sondagmiddag van die rotse by Hermanus se Ou Hawe afgeslaan het.

“Hulle was groot rugbyondersteuners,” sê die oud-Bokvleuel Breyton Paulse oor sy twee ma’s.

“Hulle het al my wedstryde kom kyk. Hulle sou ook by hiérdie wedstryd in die Kaap langs die veld gewees het. Hulle sou so trots gewees het. Ek kon my tannie uit die hemel hoor hande klap,” sê Breyton in ’n onderhoud met die oggend