HOENDER MET KORTPAD-DHAL
Onlangs moes ek ’n resep vir ’n kliënt uitdink. Ek het ’n pak klaargemaakte sop gebruik om hoender in gaar te maak. Ek besluit toe om verder te speel en het lensiesop gebruik om te kyk of ek Indiese dhal kan maak. Wel, hier is die resep genoeg vir 4
1. 1 hoender
2. 1 ui, fyngekap
3. 2 knoffelhuisies, fyngekap
4. 45 ml matige kerriepoeier
5. 600 ml gekoopte lensiesop
6. 2 wortels, geskil en fyngerasper
7. 10 ml brandrissievlokkies
+ olyfolie, sout en varsgemaalde swartpeper
Verhit oond tot 180 °C. Gebruik ’n kombuisskêr en knip rugbeen van hoender los. Draai hoender om, vou dye en boude na buite en druk hoender plat. Plaas met velkant na bo in oondroosterpan. Sprinkel ruim met olyfolie en geur met sout en peper. Gooi 250 ml water in pan. Rooster in warm oond vir 25-30 minute of tot hoender goudbruin en gaar is. Terwyl hoender rooster, maak die : Verhit ’n skeut olyfolie in ’n middelslagpot. Voeg uie, knoffel en kerriepoeier by. Roerbraai 2-3 minute. Voeg lensiesop, wortels en