In haar eie wêreld
Dinge Van ’n Kind Seisoen 1 Dinsdae kykNET (*144) 20:00
Wanneer Melissa Myburgh (23) alleen in haar woonstel in die Kaap is, verbeel sy haarself steeds dis ligte, kamera, aksie – sommer net vir haarself. “Ek sit musiek aan en hou vir myself konsert,” vertel die aktrise wat tans te sien is in die rol van die jong Mart in die reeks Dinge Van ’n Kind. “Ek het ’n hele versameling rokke wat ek sommer langs die straat êrens opgetel het. En dan hou ek konsert. Ek sing en dans. In my ander lewe glo ek ek was ’n Disney-popster. Ek het ’n krulborsel as mikrofoon en ek het net soveel pret op my eie. Daar is selfs gechoreografeerde danspassies.
