GLO EN VERTROU
Enver is bly hy het besluit om vroeg te ry nou het hy 'n onbelem-merde uitsig oor die sokkerveld. Binnekort gaan die skoolgrond gevul wees met ouers en ander sokker-entoesiaste wat die wed-stryd tussen die Rooimiere en die Olifante kom kyk. Hy sit die motor af en 'n rustigheid omvou hom hier onder die jare-oue akkerbome.
Op die veld is daar al 'n paar beamptes besig en hy kan nie help om te glimlag nie toe hy dink aan sy 14-jarige, Naldo, se vaste oortuiging dat sy span vandag gaan wen.
“Daddy, coach sê die Rooimiere gaan die jaar die cup wen. Hy sê ons moet net die game approach met die regte mindset dan sal ons wen.”
“En wat is die regte mindset volgens jou coach? het Enver glimlaggend gevra en die twee snytjies toast voor hom neergesit.
“Ons moet net glo ons sal wen, en ek glo dit,”het hy selfversekerd gesê terwyl
