WIE WOON HIER? Johan Lubbe en sy twee windhonde, Thomas en Lilly
WAAR Prins Albert in die Groot-Karoo
GROOTTE VAN TUIN 2 600 m2
As jy veertig jaar lank in Kaapstad se Kloofstraat, knus teen Tafelberg, gewoon en gewerk het, verg dit moed om jou te verplant – en dit na die Groot-Karoo waar “droogte” en “watertekort” al jare lank gonswoorde is.
Johan Lubbe hét; vyf jaar gelede al. Maar dis nou eers dat sy tuin by “81 on Church” op Prins Albert sy volle potensiaal begin bereik.
“En van die plante is nog nie eens volgroei nie… Ons praat weer oor so ’n jaar,” sê hy trots.
Ons stap saam met Johan deur sy ruim lap vrolikheid wat strek
