128? ALLEMINTIG!
OP HAAR geboortedag was dit nog ’n hele 100 jaar voor Suid-Afrika ’n demokrasie sou word. Toe die doedelsakke oor die vlaktes van Magersfontein weergalm het, en die Boere die Engelse verslaan het, was sy vyf jaar oud. Met haar mondigwording was die Eerste Wêreldoorlog al ’n jaar lank aan die woed.
In die jaar wat sy 50 geword het, het die Geallieerde troepe Normandië in Frankryk binnegeval.
En in 1994, op die rype ouderdom van 100 jaar, kon Johanna Mazibuko vir die eerste keer haar kruisie in Suid-Afrika se eerste demokratiese verkiesing trek.
Deur dit alles – die pyn, lyding, glorie en triomf waarvan ons in die
