‘TOE VAL LIG’ SE HELING
DIE keerpunt was die afgelope Desember toe sy psigiater hom vir die evaluasie sien wat hy elke drie maande moet ondergaan. En dié keer was sy hoogs ingenome met haar pasiënt se vordering.
Dit gaan nou so goed met jou, ek gaan jou dosis antidepressante verminder, hoor Anton Pieterse (46) by die dokter wat nou al so lank na sy geestesgesondheid omsien. Boonop hoef hy haar voortaan net elke ses maande te sien.
Dan wil sy weet: Wat het dan gebeur? En Anton antwoord: “ ’n Paar dinge het gebeur, en dit het my lewe verander.”
Vandag onthou Anton, wat op Mokopane in Limpopo woon, daardie gesprek met sy psigiater met tevredenheid. Maar sy lewensreis tot daar was ’n lang en
