Tannie Maria se Sondagaandhappie
Welkom in Tannie Maria se kombuis in die Karoo, waar sy ’n versnapering vir jou berei het. Dit bevat die geur van die beste plaaslike toneelspeltalent, en ’n gesonde skeut moordraaisel met tikkies komedie en romanse. En dit word as ’n Sondagaandgenot voorgesit op M-Net (*101).
Met só ’n heerlike kombinasie, het ons Tannie Maria Purvis self, die aktrise Maria Doyle Kennedy, mooi gevra vir ’n voorsmakie van wat om te verwag, en ’n paar-reeks se geheime bestanddele . . .
