Die ryk baas
NATASHA sit terug in die stoel en kyk na die grimering wat voor haar op die spieëlkas uitgesprei lê. Wanneer jou kinders jonk is, leer jy baie vinnig hoe om binne vyf minute van ’n “ek-is-nie-’n-oggendmensnie” tot “ek-gryp-die-dag-aan”-vrou te transformeer.
Swart maskara, oogskadupalet in skakerings van pienk en bruin, donkerbruin wenkbroupotlood, ligplienk blos en drie lipstiffies in skakerings van ligpienk tot appelrooi.
Sy laat die sagte wit hoteljapon van haar skouers gly en spuit parfuum in haar nek, die holtes van haar arms en aan haar polse. Haar oë gaan toe en sy asem die note van patsjoelie en freesia in. Giorgio Armani Sì sal haar van nou af altyd herinner aan die malende Oxford Street in Londen waar sy die meeste van haar dag deurgebring het. Sy hoor nou nog die mallemeule van geluide, ’n kakofonie van verskillende tale, mense jonk en oud en ’n middeljarige man wat op een hoek
