Ons gaan tuin toe
LESERSTUIN
’n Inheemse woud in my agterplaas
Die afgelope 8 jaar het John Crain op sy landbou-kleinhoewe in North Riding buite Johannesburg byna 300 spesies inheemse bome geplant, plus nog 600 aalwyne. Vandag het hy ’n baie besonderse woud in sy agterplaas.
John se paradys is ’n inheemse tuin op ’n stuk grond van 6 700 m2 wat hoofsaaklik uit bome en aalwyne bestaan. “Die aalwyne sorg in die wintermaande vir kleur, en plek-plek het ek bome en struike in digte groeperings geplant om ‘tuinkamers’ te skep – dit maak die tuin interessanter. Die gedagte is om jou dieper in die tuin in te trek sodat jy dit kan verken,” sê hy.
Die tuin is teen ’n helling geleë, en daarom het hy terrasse gebou wat die groot lap grond in kleiner stukke verdeel. “Die afgelope agt jaar het ek ongeveer 500 t rots en ’n klomp dooie en gebrande boomstompe laat inry waarop ek die terrasse kon bou. Ek het ook verskeie paadjies daarmee ‘geraam’.”
Agt jaar gelede was hier net ’n paar groot bome en rotsbanke, en dit is rondom hulle wat hy die tuin beplan het. Ons het hom uitgevra oor sy pad tot hier.
Waarom ’n inheemse tuin?
Lloyd Irving, wat nou
