MAAK SO MET VOLWASSE AKNEE
SY WAS al byna 30 toe sy ’n verandering aan haar vel opmerk – lank nadat sy gedink het sy sal deur dié soort uitdaging gekonfronteer word.
Hoewel Maryke Naude (nou 32) van Kaapstad nooit voorheen met aknee gesukkel het nie en haar velsorgroetine, eetgewoontes en stresvlakke ook nie juis oornag verander het nie, moes sy skielik soggens voor die spieël in puisies vaskyk.
“My selfbeeld het daaronder gely. Omdat ek nooit voorheen met my vel gesukkel het nie, was die ervaring nuut en vreemd,” vertel sy. Boonop het omtrent elkeen wat dit opgelet het raad uitgedeel.
“Die situasie het my ook professioneel beïnvloed. Ek het agtergekom ek
