KLAWER SEKLAD
WANNEER ’n mens in die drankwinkel op die dorpie in Namakwaland instap, sien jy hom agter plexiglas by die kasregister sit – ’n jong blonde man met ’n laphoed op sy kop.
Die vraag betrap hom onkant.
Hy kyk verbaas op. Ja, antwoord hy dan, hy ís Daniel Smit se seun; die seun van die man wat op die naburige dorp, Klawer, in hegtenis geneem is op aanklag van ’n moord so koelbloedig en grusaam dat dit koue rillings deur die land gestuur het.
Die slagoffer was die 13-jarige Jerobejin van Wyk, ’n honger seuntjie wat mango’s uit Smit se tuin wou vat en met sy lewe daarvoor geboet het.
Die aanklag teen sy pa is verskriklik: Smit het die tenger Jerobejin na
