PRAGTIG OP – 40 SONDER DERICK
‘EK IS NOU OP DIE OUDERDOM WAAR EK GAAN DOEN NET WAT MY GELUKKIG MAAK’
VIR ’n slag is dit nie die sangeres wat die singwerk doen nie. Vanaand staan Nádine en luister hoe die gaste vir háár die verjaardagliedjie sing. “Moet net nie nou begin sing: Kinders by dosyne nie!” keer sy laggend toe hulle klaar is.
In ’n swart minirok met blinkertjies en hoë stewels lyk Nádine op 40 nog net so fiks en viets soos aanhangers haar deur die dekades op die verhoog leer ken het.
“Welkom by my 197ste verjaardag,” spot sy toe sy die sowat 20 gaste verwelkom wat die mylpaalverjaardag saam met haar by die spogrestaurant
