Outisties AGTER MY MASKER
Wendy Bowley is twee jaar terug met outisme gediagnoseer – en op 44 kon sy met nuwe begrip na haar stamperige lewenspad terugkyk. “ ’n Bittersoet tsoenami,” is hoe sy haar emosies ná die diagnose beskryf. “Dit was ’n skok, ek het dit nie verwag nie. My seun, Benjamin [nou 11], is op vier met outismespektrum-steuring [OSS] gediagnoseer. Ek kon met baie van sy dinge identifiseer, het dikwels gesê daar is ooreenkomste tussen ons. Maar dat ook ek op die outismespektrum is, nee! Die diagnose was pynlik, ek het gerou . . .
“Tog het so baie dinge skielik sin gemaak. In sosiale situasies is my angsvlakke dikwels hemelhoog. Jy kan dalk dink ek het baie selfvertroue. Maar aan my binnekant bevraagteken ek al my woorde en aksies. Vir lank tot my nadeel. Die vermoë om onsigbaar te wees het my my
